बृहत् महिला सम्मेलनको उद्देश्य के हो ?
भदौ १४ गते बृहत् महिला सम्मेलनको आयोजना गरिएको छ । बारा र पर्सा जिल्लाका राजनीतिक, सरकारी, व्यवसाय, शिक्षा, स्वास्थ्य, कृषि, सहकारी, समाज सेवाजस्ता विभिन्न क्षेत्रमा रहेर पहिचान बनाउन सफल भएका छन् । जो अहिले पनि संर्घषरत छन्, उनीहरूलाई समेट्न बृहत् महिला सम्मेलन आयोजना गरेको हो ।
मधेशमा महिलाको अवस्था कस्तो पाउनुभएको छ ?
मधेशका महिला शिक्षा, रोजगार सबै कुरामा पछाडि छन् । पहिलाको अवस्थाभन्दा अहिले धेरै परिवर्तन भइरहेको छ । अहिले महिलाहरू पनि धेरै नै शिक्षित हँुदै आइरहनुभएको छ । धेरैजना अगाडि आइसक्नुभएको छ । तर, बहुसंख्यक अझै पनि पढाईबाट बञ्चित हुनुहुन्छ । सेवाबाट पनि बञ्चित हुनुहुन्छ । अथवा सेवा रोजगारीमा भए पनि उहाँहरूले जुन किसिमको सम्मान पाउनुपर्ने हो, त्यो पाउनबाट बञ्चित हुनुहुन्छ ।
यो सम्मेलनले महिलालाई कसरी अघि बढ्न मद्दत गर्छ त ?
यो बृहत् महिला सम्मेलनबाट हामीले आफ्नो सफल भइसकेको महिला दिदीबहिनीहरू र संघर्षरत महिलालाई अगाडि राखेर उहाँहरूको उत्प्रेरणाको लागि र सम्मानको लागि हामीले यो बृहत् महिला सम्मेलन आयोजना गरेका छौं । हाम्रो बृहत् महिला सम्मेलनको थिम नै छ ‘नारी शक्ति, समर्पण र सम्मान’ हामी नारीभित्र शक्ति लुकेर बसेको हुन्छ । नारीलाई दुर्गाको स्वरुप भन्छौं । दुर्गा भनेको आफैमा शक्तिको प्रतीक मानिन्छ । त्यो आफूमा भएको शक्तिलाई कतिपय दिदीबहिनीले पहिचान गरिसक्नुभएको छ । आफ्नो क्षेत्रमा राम्रो गरिराख्नुभएको छ । एकदम समर्पित भएर लाग्नुभएको छ । त्योअनुसारको सम्मान पनि धेरै ठाउँमा पाइरहनुभएको छ । तर, कतिपय दिदीबहिनीहरू अन्योलमा हुनुहुन्छ । उहाँहरूले चाहिँ यो बृहत महिला सम्मेलनको माध्यमबाट अगाडि ल्याएर यो कार्यक्रमबाट उहाँहरू भित्र भएको त्यो शक्तिलाई उजागर गर्ने र समर्पित भएर आफूले चाहेको क्षेत्रमा लागेको र भोलिको दिनमा सम्मान योग्य अवस्था पु¥याउने हाम्रो लक्ष्य रहेको छ ।
वीरगञ्ज उद्योग वाणिज्य संघको महिला उद्यमशीलता समितिमा कुनकुन क्षेत्रको प्रतिनिधित्व छ ?
अहिले २७ जना छौं । त्यसमा हामी शिक्षाबाट छौं । स्वास्थ्यबाट छौं । समाज सेवा र पत्रकारिताबाट छौं । उद्यमी महिलाहरू हुनुहुन्छ, जो आफ्नो व्यवसाय गरेर बस्नुभएको छ । जस्तै बुटिक भयो । त्यसपछि ब्युटीपार्लरदेखि लिएर अरू घरेलु तथा साना उद्योगहरू गरेर बस्नुभएको धेरै क्षेत्र सकेसम्म हाम्रो नजरमा भएको सबै क्षेत्रलाई समेट्ने कोसिस गरेका छौं । १५ वटा क्षेत्रबाट हुनुहुन्छ । तर, केही क्षेत्रहरू छुटेको पनि हुन सक्छ । त्यसमा पछि केही सल्लाह आयो भने हामी त्यसलाई समेटेर छुटेको क्षेत्रबाट पनि लिन सक्छौं । वीरगञ्ज उद्योग वाणिज्य संघको महिला उद्यमशीलता विकास समितिले सम्मेलन हुन गइरहेको छ । हामीले काम बाँडफाँट गरेर ९ वटा उपसमितिहरू गठन गरेका छौं ।
सम्मेलनमा केकस्तो कार्यक्रमहरू हुन्छन् ?
हामीले ५ वटा सेक्सनमा बाँडेका छौं । पहिलो कार्यक्रम पूर्वराष्ट्रपति विद्यादेवी भण्डारीज्यूबाट उद्घाटन गराउने छौं । उद्घाटन कार्यक्रम सकेपछि प्यानल डिस्कसन छ । ४ जना प्यानलिस्ट ४ क्षेत्रबाट हुनुहुन्छ । शिक्षाबाट, उद्यमी महिला २ जना काठमाडौंबाट आउँदै हुनुहुन्छ । हाम्रो वर्कशप पनि राखिएको छ । टे«नर नै राखिएको छ, प्रमुख वक्ता पनि आउनुहुन्छ । उहाँको कुराबाट पनि महिलाहरूले धेरै नै सचेतनास्तर माथि उकास्ने मौका पाउनु हुन्छ । त्यसबाट पनि उहाँहरूलाई उर्जा प्राप्त हुन्छ । त्यससँगै हामीले सम्मानमा पनि २५ जना महिलाहरुलाई पूर्वराष्ट्रपतिको हातबाट सम्मान गर्ने गराउने व्यवस्था मिलाउँदै छौं ।
अन्त्यमा सम्मेलनबारे केही भन्न छुटेको छ कि ?
वीरगञ्ज उद्योग वाणिज्य संघ र महिला उद्यमशीलता विकास समितिको संयोजकको हैसियतले मेरो कमिटिको साथीहरूसँग मिलेर हामीले गर्न लागेको पहिलो कार्यक्रम हो । यो कार्यक्रमबाट पनि धेरै कुरा सिक्दै छौं । हामीले कोसिस गरेका छौं, सकेसम्म यसलाई सफल र राम्रो बनाउन । तर, त्यति गर्दा गर्दै पनि केही कमजोरी हुन सक्छ । त्यसलाई हामी सुझावको रुपमा लिएर अघि बढ्ने छौं ।
