राष्ट्रिय

गृहपृष्ठ
राष्ट्रिय
हेटौँडा पथलैया सडक खण्डमा गाडीको ठक्करले पोथी बाघको मृत्यु, दिर्घकालिन असर पर्ने विज्ञको भनाई

हेटौँडा पथलैया सडक खण्डमा गाडीको ठक्करले पोथी बाघको मृत्यु, दिर्घकालिन असर पर्ने विज्ञको भनाई

January मध्य नेपाल संवाददाता

हेटौँडा पथलैया सडक खण्डमा एक कारको ठक्करले पोथी बाघको मृत्यु भएको छ ।

हेटौडाँबाट पथलैयाँ आउदै गरेको बा १६ च ८११ नम्बरको कारको ठक्कले झन्डै १० वर्ष उमेरको एक पोथी बाघको मृत्यु भएको पर्सा राष्ट्रिय निकुञ्जले जनाएको छ ।

विश्वमा दुर्लभ मांसाहारी स्तनधानी प्राणीमध्येको पाटेबाघ २०७५ सालको गणना अनुसार पर्सा राष्ट्रिय निकुञ्जमा १८ वटा पाइएको थियो । निकुञ्जका सहायक संरक्षण अधिकृत रमेशकुमार यादवका अनुसार सर्लाही जादैँ गरेको कार तिब्र गतीमा रहेकाले ठक्करलागी घटनास्थलमै मृत्यु भएको थियो ।

विग्तमा गाडीको गति नियन्त्रणका लागि ‘टाइम कार्ड’ जडान गरिएपनि उपलब्धी मुलक नभएकाले यस क्षेत्रमा वन्यजन्तुको दुर्घटना हुने गरेको छ । संरक्षण अधिकृत यादवका पोथी बाघ नै मृत्यु भएकाले जुन अनुपातमा बाघको संख्या बढ्दो थियो त्यसमा कमी आउन सक्छ ।

यस क्षेत्र वनजङ्गलले घना भएकाल बाघको वासस्थानका लागी राम्रो मानिएपनि पछिल्लो समय चोरी सिकारी रोकिएपछि अत्याधिक जाम, ध्वनी प्रदुर्शनले वन्यजन्तुलाई प्रभावित हुदै आएको छ ।

पर्सामा २०७५ सालमै एक व्यस्क बाघ बाटो विराएर पर्साको निचुटा खेतमा आईपुगेका थिए । जसलाई नियन्त्रण गर्ने क्रममा गोली प्रहार गरी मार्नु परेको थियो ।