राति घण्टौं पल्टिनु, मोबाइलमा घण्टौं ताक्नु र बिहान थकित उठ्नु—यस्तो समस्या आजभोलि धेरैको जीवनशैली बनेको छ। चिकित्सकहरू भन्छन्, सही बानी र सानो परिवर्तनले मात्र पनि राम्रो निन्द्रा ल्याउन सकिन्छ।
नियमित सुत्ने समय
हरेक दिन एउटै समयमा सुत्ने र उठ्ने बानी बसाल्दा शरीरको जैविक घडी सन्तुलित हुन्छ र निन्द्रा स्वाभाविक रूपमा आउँछ।
मोबाइल र स्क्रिनबाट टाढा
सुत्नुअघि मोबाइल, ल्यापटप वा टेलिभिजनको प्रयोग कम गर्नुहोस्। स्क्रिनको नीलो प्रकाशले मस्तिष्कलाई सक्रिय राख्छ र निन्द्रा ढिला हुन्छ।
हल्का खाना र तातो पेय
भारी खाना, तेलिलो वा मसालेदार खाना नखानुहोस्। तातो दूध वा क्यामोमाइल चिया शान्ति ल्याउँछ र निद्रामा सहयोग पुर्याउँछ।
शान्त र अँध्यारोमा सुत्ने वातावरण
कोठा सफा, अँध्यारो र मध्यम तापक्रममा राख्नुहोस्। धेरै उज्यालो वा चिसो–तातोले निन्द्रा बाधा पुर्याउँछ।
तनाव कम गर्ने अभ्यास
सुत्नुअघि गहिरो सास फेर्ने अभ्यास, हल्का ध्यान वा मधुर संगीतले मानसिक तनाव घटाउँछ र निन्द्रामा सहयोग गर्छ।
कफी, चिया र मदिराबाट जोगिनु
सुत्नुभन्दा पहिले कफी, एनर्जी ड्रिङ्क वा मदिरा नखानुहोस्। यीले निन्द्रा ढिला पार्छ वा बारम्बार ब्युँझाइदिन्छ।
नियमित व्यायाम
दिनको समयमा हल्का–मध्यम व्यायाम गर्नुहोस्। यसले शरीरलाई थकाई दिन्छ र राति गहिरो निन्द्रा ल्याउँछ।
सुत्ने समय, खानपान, व्यायाम र मोबाइल नियन्त्रण—यी साना तर प्रभावकारी उपायले रातको निद्रालाई पुनः जीवन्त बनाउन सक्छ। लामो समय अनिद्रा भए चिकित्सकको परामर्श लिनु आवश्यक छ।
-1766143516.jpg)
-1766143516.jpg)
