युक्रेनी अधिकारीहरूका अनुसार युक्रेनका नौसैनिक ड्रोनहरूले कालोसागर हुँदै यात्रा गर्दै गरेका रुसका तथाकथित “स्यान्डो फ्लीट” का दुई तेल ट्याङ्करमा आक्रमण गरेका छन्। बीबीसीले प्रमाणित गरेको भिडियोमा पानीमा चल्ने ड्रोन ती ट्याङ्करतर्फ तीव्र गतिमा अगाडि बढ्दै ठोक्किएको र त्यसपछि ठूलो विष्फोटसहित आगो तथा कालो धुवाँ उठिरहेको देखिन्छ।
टर्की अधिकारीहरूले आक्रमणमा परेका ट्याङ्करहरूको पहिचान काइरोस र भिराट भनेर गरेका छन्, दुवै गाम्बिया झण्डा बोकेका जहाज हुन्। दुवै ट्याङ्कर शुक्रबार टर्की तट नजिकै आक्रमणमा परेका थिए भने भिराटलाई शनिबार फेरि प्रहार गरिएको बताइन्छ। घटनामा कुनै मानवीय क्षति भएको छैन।
यी आक्रमणलाई रुसको तेल आम्दानीमा प्रहार गर्न युक्रेनले चालिएको नयाँ रणनीतिक कदमका रूपमा हेरिएको छ। रुसले पश्चिमी मुलुकका प्रतिबन्धहरू छल्न प्रयोग गर्ने सयौँ पुराना र अस्पष्ट स्वामित्व भएका ट्याङ्करहरूको नेटवर्कलाई “स्यान्डो फ्लीट” भनिन्छ। काइरोस र भिराट दुवै जहाज लण्डन स्टक एक्सचेञ्जका तथ्यांकअनुसार प्रतिबन्ध सूचीमा परेका छन्।
BBC युक्रेनलाई उद्धृत गर्दै, आक्रमणमा युक्रेन सुरक्षा सेवाद्वारा निर्माण गरिएको Sea Baby नामक नौसैनिक ड्रोन प्रयोग गरिएको बताइएको छ। टर्की अधिकारीहरूले दुवै क्षतिग्रस्त जहाजलाई सहयोग गरिरहेको उल्लेख गर्दै, काइरोसमा लागेको आगो निभाउने प्रयासको भिडियो सार्वजनिक गरेका छन्।
विश्लेषकहरूले यसलाई युक्रेनद्वारा दिइएको कडा चेतावनीका रूपमा बुझेका छन अब रसियन तेल बोक्ने जहाजहरूलाई केवल पश्चिमी प्रतिबन्ध मात्र होइन, प्रत्यक्ष सैन्य आक्रमणको जोखिम पनि रहने छ।
यसैबीच, क्यास्पियन क्षेत्रमा तेल ढुवानी गर्ने एक ठूलो कन्सोर्टियमले कालोसागरस्थित रूसी बन्दरगाह नोभोरोसिस्कमा रहेको लोडिङ स्टेसनमा ड्रोन आक्रमण भएपछि तेल लोडिङ स्थगित गरेको छ। Caspian Pipeline Consortium (CPC) ले एक मूरिङ पोइन्टमा ठूलो क्षति पुगेको जनाएको छ। यस कम्पनीमा रुस र कजाकस्तानका साथै एक्सन मोबिल, शेवरन र शेलजस्ता पश्चिमी कम्पनीहरूको लगानी छ।
अर्कोैतिर, युक्रेनी राष्ट्रपति भ्लादिमीर जेलेन्स्कीले शीर्ष सुरक्षा अधिकारी रुस्तेम उमेरोभ नेतृत्वको प्रतिनिधिमण्डल अमेरिकातर्फ प्रस्थान गरेको बताएका छन्। उमेरोभले शुक्रबार घरमा परेको भ्रष्टाचार अनुसन्धानपछि राजीनामा दिएका पूर्व प्रमुख वार्ताकार एन्ड्री यर्माकको स्थान लिएका हुन्।
युक्रेनी टोलीले आइतबार फ्लोरिडामा अमेरिकी अधिकारीसँग वार्ता गर्ने अपेक्षा गरिएको छ। यसैबीच, अमेरिकी राष्ट्रपति डोनाल्ड ट्रम्पका विदेश दूत स्टिभ वीट्कफ आगामी हप्ता मस्कोमा वार्ता गर्न पुग्नेछन्।
-1759064972.jpg)
