नाडा अटोमोबाइल्स एसोसिएसन अफ नेपाल, मधेस प्रदेशको तेस्रो वार्षिक साधारणसभा वीरगञ्जमा सम्पन्न भएको छ। सभामा गत वर्षको गतिविधि, आर्थिक विवरण र भावी योजनाबारे समीक्षा गर्दै नयाँ नेतृत्व सर्वसम्मत रूपमा चयन गरिएको हो।
सर्वसम्मत निर्णयअनुसार राहुल अग्रवाल अध्यक्षमा निर्वाचित भएका छन्। नयाँ कार्यसमितिमा केदार अग्रवाल वरिष्ठ अध्यक्ष, विवेक बेरीवाल प्रथम उपाध्यक्ष, सन्तोष जयसवाल दोस्रो उपाध्यक्ष, विकास ठाकुर तेस्रो उपाध्यक्ष, किशोर भट्टराई चौथो उपाध्यक्ष, अभिषेक चौधरी सचिव, मुरारी केआर रौनियार संयुक्त सचिव, दिपेन्द्र खेतान कोषाध्यक्ष र बिरेन्द्र केआर रौनियार संयुक्त कोषाध्यक्ष बनेका छन्।
त्यस्तै, संयोजक तथा सदस्य पदमा राजु गुप्ता, सन्दीप अग्रवाल, सन्दिप कुमार महतो, बिजय कुमार अग्रवाल, आनन्द अग्रवाल, अनुप अग्रवाल, रवि कुमार सिकरिया लगायत चयन भएका छन्। संगठनका सिनियर एडभाइजरमा तेज नारायण साह, एडभाइजरमा बजरंग यादव र कानुनी सल्लाहकारमा ट्राफिक प्रहरी उपरीक्षक राज कुमार सिलवाल रहेका छन्।
साधारणसभामा उद्योग वाणिज्य संघका अध्यक्ष हरि गौतम, प्रमुख जिल्ला अधिकारी तोय नारायण सुवेदी, प्रहरी प्रमुख गौतम मिश्र, उद्योगपति अशोक टेमानीलगायत सरोकारवाला तथा व्यवसायीहरूको उपस्थिति रहेको थियो। त्यस्तै, बागमती प्रदेशको चितवन अटोमोबाइल्स संघका अध्यक्ष कुल बहादुर श्रेष्ठ र हेटौंडा अटोमोबाइल्स संघका अध्यक्ष ऋषि ढकाल पनि सहभागी थिए।
नाडाका केन्द्रीय अध्यक्ष करण चौधरीले अटोमोबाइल क्षेत्रलाई प्रदेशको आर्थिक विकासको आधारस्तम्भको रूपमा उल्लेख गर्दै नवनिर्वाचित कार्यसमितिलाई बधाई दिएका छन्। साधारणसभाले मधेस प्रदेशमा अटोमोबाइल क्षेत्रलाई थप व्यवस्थित र सुदृढ बनाउन योगदान पुर्याउने अपेक्षा गरिएको छ।
