ब्रेक फेल भएर भीरमा खस्यो भ्यान: १४ घाइते, ३ को अवस्था गम्भीर

प्रदेश खबर

गृहपृष्ठ
प्रदेश खबर
ब्रेक फेल भएर भीरमा खस्यो भ्यान: १४ घाइते, ३ को अवस्था गम्भीर

ब्रेक फेल भएर भीरमा खस्यो भ्यान: १४ घाइते, ३ को अवस्था गम्भीर

मंगलबार, जेठ ७, २०८२मध्य नेपाल संवाददाता

मकवानपुरको उत्तरी क्षेत्र चित्लाङबाट सर्लाहीतर्फ जाँदै गरेको एक विङ्गर भ्यान त्रिभुवन राजपथमा दुर्घटनामा परेको छ।

आज दिउँसो भीमफेदी गाउँपालिका–९ स्थित त्रिभुवन राजपथको छैसठ्ठी मोडमा प्रदेश २–०३–००१ ज ०१४७ नम्बरको विङ्गर गाडी सडकबाट करिब २० मिटर तल खसेको जिल्ला प्रहरी कार्यालय मकवानपुरले जानकारी दिएको छ।

जिल्ला प्रहरी कार्यालयका डिएसपी श्यामु अर्यालका अनुसार दुर्घटनामा परेको गाडी सल्लाको रूखमा अड्किएको थियो। घटनामा परी सवारीमा सवार १४ जना घाइते भएका छन्, जसमध्ये ३ जनाको अवस्था गम्भीर रहेको बताइएको छ। घाइतेहरूलाई उपचारका लागि हेटौंडा अस्पताल लगिएको छ।

प्रहरीका अनुसार गाडीको ब्रेक फेल भई नियन्त्रण गुमाएर दुर्घटना भएको प्रारम्भिक अनुसन्धानबाट खुल्न आएको छ।

घटनास्थलमा उद्धार कार्यमा जिल्ला ट्राफिक प्रहरी, इलाका प्रहरी कार्यालय पालुङ, भीमफेदी, प्रहरी चौकी भैंसे, सिमभञ्ज्याङलगायतका गरी २५ जना सुरक्षाकर्मी परिचालित गरिएको थियो।

प्रहरीले घटनाबारे थप अनुसन्धान भइरहेको जनाएको छ।

प्रकाशित मिति: मंगलबार, जेठ ७, २०८२

प्रतिक्रिया दिनुहोस्