जनता समाजवादी पार्टी (जसपा) पर्सा जिल्ला समितिद्वारा आयोजित “अगुवा कार्यकर्ता भेला कार्यक्रम” वीरगञ्जको टाउनहलमा आज उत्साहपूर्ण वातावरणमा सम्पन्न भएको छ।
मुख्य अतिथि तथा जसपाका उपमहासचिव प्रदीप यादवले कार्यक्रममा भने, “जसपा जनताको हितका लागि बनेको पार्टी हो। हाम्रो आन्दोलनले सामाजिक न्याय र समान अवसरको बाटो खोल्नेछ।”
भेलामा पार्टीको संगठन सुदृढीकरण, आगामी राजनीतिक रणनीति, जनसंपर्क विस्तार र स्थानीय तहका समस्याबारे विस्तृत छलफल भएको थियो।
कार्यक्रमको अध्यक्षता जसपा पर्साका जिल्ला अध्यक्ष सिंगासन साह तेलीले गरेका थिए भने वीरगञ्ज महानगरपालिकाका मेयर राजेशमान सिंह विशिष्ट अतिथि रहे।
नेताहरूले जसपाको समाजवादी विचारधारा, समावेशी राजनीति र जनमुखी शासनप्रति आफ्नो प्रतिबद्धता दोहोर्याउँदै संगठनभित्र एकता र अनुशासनलाई बलियो बनाउनुपर्नेमा जोड दिए।
मेयर सिंहले स्थानीय तहमा विकास र सुशासन सुनिश्चित गर्न कार्यकर्ताहरूको भूमिकालाई निर्णायक ठहर गर्दै भने, “पार्टीको बल संगठनमा हो, संगठनको बल जनतामा।”
कार्यक्रमको अन्त्यमा अध्यक्ष तेलीले सबैलाई धन्यवाद दिँदै भने, “हामी सबै मिलेर जसपालाई जनताको पार्टी बनाउनेछौं। हाम्रो प्रतिबद्धता जनसेवा र समानतामा केन्द्रित रहनेछ।”
भेलाले संगठनिक एकता, जनसंपर्क विस्तार र आगामी निर्वाचन तयारीका लागि ठोस कार्यदिशा तय गरेको नेताहरूले बताएका छन्।
-1759065636.jpg)
-1759064972.jpg)
