वीरगंजको घण्टाघर स्थित रहेको वि.पी. उद्यानको जग्गाको विषयमा विवाद उत्पन्न भएको छ । वीरगंज महानगरपालिकाको वडा नं. ९, स्थित १० विगाहा क्षेत्रफलमा रहेको जग्गामा बुधबार शहीद पार्कको शिलान्यास हुने सार्वजनिक भए पछि विवाद उत्पन्न भएको हो । वि.पी. उद्यानको जग्गामा सहिद पार्कको शिलान्यास गर्न लागिएको थाह पाए लगतै नेपाली कांग्रेस, पर्साले पत्रकार सम्मेलन नै गरी त्यसको विरोध गर्दै तत्कालको लागि शिलान्यास कार्यक्रम स्थगित गर्न मांग गरेको छ ।
प्रदेश नं. २ को मुख्यमन्त्री लालबाबु राउत गद्दी र भौतिक पुर्वाधार विकास मन्त्री जितेन्द्र सोनलद्वारा संयुक्त रुपमा गर्न लागिएको पार्कको शिलान्यास कार्यक्रम स्थगित गरी महानगरपालिकाको निर्णय अनुसार अगाडी बढनु पर्ने धारणा रोखेको हो । पत्रकार सम्मेलनमा वोल्दै नेपाली कांग्रेस पर्साका सभापति अजय द्विवेदीले वि.पि. उद्यानको नाउमा र महानगरपालिकाको स्वामित्वमा रहेको जग्गामा महानगरपालिका कार्यालय संग कुनै समन्वय नै नगरी सहिद पार्कको शिलान्यास गर्न लागिएकोले हाम्रो विरोध रहेको वताए ।
मिति २०६०र९र२४ गते नेपाल सरकारको मन्त्री परिषदको निर्णय अनुसार वि.पी. उद्यानको नाम रहेको जग्गामा हामी र महानगरपालिका संग कुनै समन्वय र सलाह नै नगरी पार्कको लागि गर्न लागिएको शिलान्यासले मुटभेड निमत्न सकने वताए । जग्गाको लालपुर्जामा प्रष्ट रुपले लेखिएको वि.पि. उद्यान वाहेक अन्य कुनै प्रयोजनाको लागि प्रयोग नहुने देखाउदै उनले भने महानगर कार्यपालिकाको निर्णय बेगर गर्न लागिएको कार्य कुनै हालतमा मान्य नहुने वताए ।
कसैले लेखेर दिए पनि हामीले नमान्ने वताउदै सभापति द्विवेदीले कानुनी उपचार लडनु पर्यो भने हामी लडछौं, राजनितिक लडाई लडनु पर्यो भने लडिने र पछाडि नहटिने वताए । उनले थपे सरकार प्रमुख जस्तो व्यक्तिले नगर प्रमुखलाई समेत वाइपास गर्दै नियमविपरित गर्न लागिएको वताए । आफुने व्यक्तिगत रुपमा मुख्यमन्त्रीलाई फोन गरी बुधबार गर्न लागिएको कार्यक्रम स्थगित गर्न भनेको समेत जानकारी गराए ।
हातारहतारमा शिलान्यास कार्यक्रमको कार्ड वाडिसकिए पछि मात्र सहरी तथा भवन निर्माण कार्यालयलाई समेत पत्र पठाई जानकारी गरिएको वताए । यस बिषयमा वीरगंज महानगरपालिकाका मेयर विजय सरावगी संग बुझदा शिलान्यास कार्यक्रम बारे आफुलाई थाह भए पनि परक्रियाग रुपमा नगरिएको प्रतिक्रिया दिए । यस बिषयमा कार्यपालिकाको बैठक बोलाएर निर्णय लिने वताउदै मेयर सरावगीले महानगरपालिकाले कुनै स्वीकृति नदिएको समेत वताए । निर्माण गर्न लागिएकोमा वीरगंज महानगरपालिका संग कुनै जनकारी पनि नरहेको र सरकार प्रमुख जस्तो मान्छे मै मूख्य मन्त्री फोन गरी पनि कार्यक्रम स्थगित गर्न व्यक्तिगत रुपमा आग्रह समेत गरेको वताए ।
वीरगंजको मुली स्थित रहेको नेपाली कांग्रेस पर्साले आफनै पार्टी कार्यालयमा आयोजना गरेको पत्रकार सम्मेलनमा वीरगंज महानगरपालिकाकी उप मेयर शान्ति कार्की, पूर्व सांसद राजेन्द्र बहादुर अमात्य, पूर्व मन्त्री दुर्गा देवी, पर्साका सचिव श्याम पटेल, क्षेत्रिय सभापति विजय सरर्फा, अरबिन्द गुप्ता, नेपाल पत्रकार महासंघ प्रदेश नं. २ का अध्यक्ष दिपेन्द्र चौहा, उपाध्यक्ष के.सी. लेमिक्षाने लगायतकाको सहभागिता रहेको थियो । प्रेस युनियन, पर्साका अध्यक्ष रामनारायण कुर्मीको अध्यक्षतामा पत्रकार सम्मेलन भएको थियो ।
