राजनिति

गृहपृष्ठ
राजनिति
प्रधानमन्त्री ओली राष्ट्रघाती नेता हुन् : अध्यक्ष यादव

प्रधानमन्त्री ओली राष्ट्रघाती नेता हुन् : अध्यक्ष यादव

तस्बिर : मध्य नेपाल ।

जनता समाजवादी पार्टीका राष्ट्रिय अध्यक्ष उपेन्द्र यादवले प्रधानमन्त्री केपी शर्मा ओली राष्ट्रवादी नेता नभई राष्ट्रघाती नेता रहेको टिप्पणी गरेका छन् ।

जनता समाजवादी पार्टी नेपाल पर्साद्वारा वीरगंजको लालबङ्गला अगाडीको फिल्डमा आयोजित जनप्रदर्शन एवं विरोध कार्यक्रमलाई सम्बोधन गर्दै अध्यक्ष यादवले राष्ट्रवादको मुखौटा लगाएका प्रधानमन्त्री ओलीको वास्तविक रुप अहिले सामुन्ने आएको बताए ।

मधेशमा आन्दोलन भइरहँदा मधेशी पहाडीको भिन्नता छुट्याई राष्ट्रवादका नारा लगाईरहेका प्रधानमन्त्री ओलीले अहिले महाकालीको कुरा आउँदा राष्ट्रवादी नभई लम्पसारवादी भएको आरोप लगाउँदै अध्यक्ष यादवले सत्ता बचाउनका लागि ओलीले नक्कली राष्ट्रवादीको भूमिका खेलि रहेको बताए ।

पार्टीको आन्तरिक विवाद सल्टाउन नसक्दा राजिनामा माग्दा प्रधानमन्त्रीले पदबाट राजिनामा दिएर मार्ग प्रसस्त गर्नुपर्नेमा देश नै खतरामा पारेको आरोप लगाए । उनले पार्टीको गुटउपगुटलाई मिलाउन नसके कमण्डल बोकेर भारतको बरानसी जानुपर्नेमा संसद नै विघटन गर्नु गलत कुरा रहेको बताए ।

संसद विघटनको विषय सर्वोच्चमा पुगेको प्रसङ्गमा बोल्दै अध्यक्ष यादवले सर्वोच्चलाई हामी सम्मान गर्छौ तर संसद विघटन राजनीतिक विषय भएकोले राजनीतिबाट समाधान हुनुपर्छ, हालसम्म राजनीति विषय कानूनी तरिकाले समाधान नभएको कारण राजनीति विषय राजनीतिबाटै नै समाधान हुनुपर्ने उनको जोड थियो ।

संसद विघटन गरेर मन्त्रिमण्डल गठन गरेको प्रधानमन्त्री ओलिलाई चुनाव गराउने मनोसाय भए, काम चलाउ सरकार हुनेथिए त्यसमा चुनावी सरकारको मन्त्रीमण्डल विस्तार गर्ने कुनै किसिमको अधिकार थिएन तरपनी स्वार्थपुर्तिका लागी ओलि सरकारले मन्त्री मण्डल पनि विस्तार गरेको आरोप लगाए ।

कार्यक्रममा बोल्दै उनले असंवैधानिक तरिकाले भङ्ग गरिएको संसद भङ्ग हुनै नसक्ने भएकोले हालसम्म संसद जिवित नै रहेको दाबी गरेका थिए । पूर्व सभामुख सुवाष नेवाङ्ग सहित पूर्व प्रधानन्यायधीशहरुले पनि प्रधानमन्त्रीलाई संसद विघटन गर्नुपर्ने संविधानमा अधिकार नरहेको भनिरहँदा यस परिस्थितिमा संविधानको धारा १०३ लाई टेकेर सभामुखले संसदको अधिवेशन बोलाएर राष्ट्रपतिलाई जानकारी गराई बहुमतको आधारमा सरकार स्थापना गर्नसक्ने अधिकार रहेकाले आफ्नो क्षमता तथा विवेक पु¥याउन सभामुखलाई सुझाव दिएका थिए ।

फरक प्रसङ्गमा बोल्दै अध्यक्ष यादवले संसद विघटन गरेर घोषणा गरिएको चुनाव असम्बैधानिक भएकाले चुनाव नै नहुने परिस्थितिमा चुनावमा भाग लिनुको कुनै औचित्य नरहेको बताएका थिए । अन्त्यमा अध्यक्ष यादवले सबै लोकतान्त्रिक शक्तिको दायित्व रहेकोले आउने दिनमा सशक्त रुपमा जनसंघर्ष, सडक संघर्षलाई अगाडि बढाउनुपर्ने अवस्था पनि आउन सक्ने भएकोले जनता समाजवादी पार्टी तयार रहेकाले नेपाली काँग्रेस पनि यसबारे सोच्नुपर्ने बताएका थिए ।

यसैगरी कार्यक्रमलाई सम्बोधन गर्दै मुख्यमन्त्री लालबाबु राउत गद्दीले सत्ताको भुखमा निरकँशुतन्त्रलाई निमन्त्रणा दिने हो भने त्यो निरकुँशतासँगै चल्नुपर्ने भन्दै प्राप्त उपलब्धिलाई रक्षा गर्नु अहिलेको आवश्यक्ता रहेको मुख्यमन्त्री लालबाबु राउतले बताए । जिल्ला अध्यक्ष रामनरेश यादवको सभापतित्वमा आयोजित कार्यक्रममा विघठित प्रतिनिधिसभा सदस्य लक्ष्मणलाल कर्ण, प्रदीप यादव लगायतले मन्तव्य व्यक्त गरेका थिए ।