धुस मागेको प्रमाण भेटेपछि पर्साका तिन प्रहरी निलम्बित

स्थानिय

गृहपृष्ठ
स्थानिय
धुस मागेको प्रमाण भेटेपछि पर्साका तिन प्रहरी निलम्बित

धुस मागेको प्रमाण भेटेपछि पर्साका तिन प्रहरी निलम्बित

बिहीबार, जेठ ११, २०८०मध्य नेपाल संवाददाता

जिल्ला प्रहरी कार्यालय पर्सामा कार्यरत तिनजना प्रहरी अधिकृत र जवान कारवाहीमा परेका छन् ।

चेक बाउन्सको मुद्दामा अदालतबाट दोषी ठहरिएका व्यक्तिलाई पक्राउ गर्न इलाका प्रहरी कार्यालय पोखरियालाई पत्राचार गर्न वापत पिडितसँग घुस मागेको आरोपमा जिल्ला प्रहरी कार्यालय पर्साको अपराध अनुसन्धान मुद्दा शाखामा कार्यरत वरिष्ठ सइ, सइ र जवान सहित ३ जनालाई निलम्बनमा परेका हुन् ।

निलामित हुनेमा अपराध अनुसन्धान मुद्दा शाखाका प्रहरी वरिष्ठ नायब निरीक्षक बसन्त भट्टराई, प्रहरी नायब निरीक्षक जयमोद ठाकुर र प्रहरी जवान महेश
महतो रहेका छन ।
निलम्बनमा पर्नेहरुले चेक बाउन्स मुद्दामा अदालतबाट दोषी ठहरिएर पक्राउ पूर्जीसमेत जारी भएका व्यक्तिलाई उपस्थित गराउन ईलाका प्रहरी कार्यालय पोखरीयालाई पत्रचार गर्न पिडितसँग एकलाख रुपैयाँ घुस मागेको खुलेको छ । भट्टराई, ठाकुर र महतोले घुस मागेको प्रमाण भेटाएपछि उनीहरुलाई कारवाही गर्न सिफारिस गरिएको जिल्ला प्रहरी कार्यालय स्रोतले जनाएको छन् ।

पोखरिया नगरपालिका – ७ रानीगञ्जका एक व्यक्तिले गरेको चेक बाउन्स मुद्दामा पैसा लिएका व्यक्तिलाई पक्राउ गर्न इलाका प्रहरी कार्यालय पोखरियालाई पत्राचार गर्न उनीहरुले एक लाख रुपैयाँ घुस मागेका थिए । निलम्बनमा परेका तिनैजनाको जिल्ला बाहिर जान रोक गरिएको छ ।