प्रविधि

गृहपृष्ठ
प्रविधि
सवारी चालक अनुमति परीक्षा उत्तीर्णलाई १ महिना भित्र लाइसेन्स

सवारी चालक अनुमति परीक्षा उत्तीर्णलाई १ महिना भित्र लाइसेन्स

February मध्य नेपाल संवाददाता

तस्बिर : सौजन्य

सवारी चालक अनुमति पत्र लिन ईच्छुकले परिक्षा पास गरेको एक महिना भित्र सवारी अनुमति पत्र (लाइसेन्स) पाउने भएका छन् । गत वर्ष यातायात व्यवस्था विभागले खरीद गरेको ‘मास प्रिन्टर’ ले ठूलो क्षमतामा अनुमति पत्र ( लाइसेन्स ) छपाई गर्न सक्ने भएपछि नयाँ सवारी चालकले आफू परीक्षामा पास भएको एक महिना भित्र लाइसेन्स प्राप्त गर्न सक्ने भएका हुन् ।

यातायात व्यवस्था विभागले अनुमति पत्रको परीक्षा पास गरेका सेवाग्राहीलाई एक महिना भित्रमा लाइसेन्स दिइसक्ने योजना बनाएको यातायात विभागका रामचन्द्र पौडेलले बताए । प्रिन्टरको क्षमता एक घण्टामा ४५० अनुमति पत्र छाप्न सक्ने रहेको छ । एक दिनमा १० घण्टा सञ्चालन गर्दा पनि ४ हजार ५०० छापिने र २४ घण्टा चलाए १० हजार बढी छापिने उनको भनाइ छ । विभागले कोभिड–१९ नियन्त्रणका लागि सरकारले जारी गरेको बन्दाबन्दीको समयमा तीन ‘सिफ्ट’ मा उपकरण सञ्चालन गरेको थियो । ‘कति घण्टा चलाउने भन्ने कामको चापमा भर पर्छ निर्देशक पौडेलले बताए ।’

अहिले तत्काल कार्ड स्टक थोरै संख्यामा भएकाले छाप्न नसकिएको भए पनि नयाँ कार्ड आउना साथ लाइसेन्स छपाइ तिब्र हुने छ । विभागले १४ लाख कार्ड खरीदका लागि प्रक्रिया अघि बढाएको निर्देशक पौडेलले खुलासा गरे । कोभिड–१९ का कारण झण्डै १० महिनादेखि अवरुद्ध नयाँ लाइसेन्स सरकारले गत पुसमा पुनः खुलाएको थियो । देशभरबाट अनलाइन माध्यमबाट पाँच लाखभन्दा बढी सेवाग्राहीले आवेदन दिएकाले ती मध्ये ३० प्रतिशतको हाराहारीमा पास दर हुँदा नयाँ मात्र १४ लाख कार्ड एकै पटक तयारी अवस्थामा राख्नु पर्ने आँकलन रहेको विभागका निर्देशक पौडेलले तर्क गरे ।

‘मास प्रिन्टर’ सँगै विभागमा साना क्षमताका उपकरण पनि छन् । तत्कालका लागि तीनको प्रयोग नभए पनि प्रयोग गर्न सकिने अवस्थामा रहेको विभागको भनाइ छ । विगत दुई वर्षदेखि प्रदेश सरकार अन्तर्गतका यातायात व्यवस्था कार्यालयले नयाँ लाइसेन्सको परीक्षा संचालन, नविकरण र वितरण गरिरहेका छन् ।