मेटा कम्पनीले फेसबुक र इन्स्टाग्राम प्रयोगकर्ताको अनुभव डिसेम्बर २०२५ देखि पूर्ण रूपमा परिवर्तन गर्ने घोषणा गरेको छ। कम्पनीका अनुसार अब प्रयोगकर्ताको एआई संवाद र अनलाइन गतिविधि अनुसार मात्र पोस्ट, रिल्स र विज्ञापन देखाइनेछ।
मेटाले यस परिवर्तनलाई प्रयोगकर्तालाई अझ व्यक्तिगत, आकर्षक र स्मार्ट अनुभव दिनको लागि लागू गर्न लागेको जनाएको छ।
नयाँ प्रणालीको विशेषता
प्रयोगकर्ताले मेटाको एआई च्याटबटसँग गरेको संवाद अनुसार फिड र विज्ञापन अनुकूल हुनेछन्।
उदाहरणका लागि, यदि प्रयोगकर्ताले यात्राबारे च्याट गरे भने यात्रा सम्बन्धी समूह, सल्लाह र विज्ञापन देखिनेछन्।
नयाँ अपडेट सबै प्रयोगकर्तामा डिसेम्बर २०२५ देखि लागू हुने बताइएको छ।
कम्पनीले ७ अक्टोबरदेखि प्रयोगकर्तालाई नोटिफिकेसनमार्फत यसबारे जानकारी गराउनेछ।
प्रयोगकर्ताको नियन्त्रण
प्रयोगकर्ताले आफ्नो फिड र विज्ञापन ‘Ad Preferences’ र ‘Feed Control Tools’ मार्फत नियन्त्रण गर्न सक्नेछन्।
मेटाले संवेदनशील वा व्यक्तिगत जानकारी (धर्म, जाति, स्वास्थ्य, राजनीतिक विचार, लैङ्गिक पहिचान, यौनिकता, ट्रेड युनियन सदस्यता आदि) विज्ञापनको लागि प्रयोग नहुने स्पष्ट पारेको छ।
तर यस्ता डेटा आधारमा पोस्ट वा रिल्स सिफारिस गरिने वा नहुने विषयमा कम्पनीले स्पष्टता दिएको छैन।
डेटा स्रोत र गोपनीयता
प्रयोगकर्ताले Accounts Center मा लिंक गरेका खाताबाट मात्र डेटा प्रयोग गरिनेछ।
उदाहरणका लागि, यदि प्रयोगकर्ताले आफ्नो व्हाट्सएप अकाउन्ट लिंक गरेका छैनन् भने त्यहाँका च्याट डेटा फिड वा विज्ञापन सिफारिसमा प्रयोग नहुनेछ।
मेटाले यस परिवर्तनले प्रयोगकर्तालाई अझ व्यक्तिगत, उपयोगी र रोचक अनुभव दिने विश्वास व्यक्त गरेको छ।
-1759065636.jpg)
-1759064972.jpg)
