अर्थ-बाणिज्य

Home
News
सानो पाइलाले सामाजिक दायित्व तर्फ ग¥यो सहयोग

सानो पाइलाले सामाजिक दायित्व तर्फ ग¥यो सहयोग

माघ ४, २०७७ मध्य नेपाल संवाददाता

तस्बिर : मध्य नेपाल ।

सानो पाईला बचत तथा ऋण सहकारी संस्थाले सुस्त मनस्थिति भएका वालवालिकाको शिक्षा दिक्षाको जिम्मेवारी निर्वाह गर्दैै आएको आशा किरण केन्द्रलाई रु २५ हजार सहयोग गरेको छ । त्यसै गरी सामुदायिक प्रहरी सेवा केन्द छपकैयालाई रक्तदान कार्यक्रमको लागि रु १५ हजार सहयोग गरेको छ । संस्थाले यो सहयोग आफ्नो १० औं बार्षिकोत्सवको अवसरमा गरेको हो ।

कार्यक्रम संस्थाकी प्रमुख कार्यकारी अधिकृत तस्विरन खातुनले सामुदायिक सेवा केन्द्र्रका अध्यक्ष ज्ञासुद्दीन ठकुराई र आशा किरण केन्द्रका महासचिव राजन श्रीवास्तवलाई उक्त रकम बराबरको चेक हस्तान्तरण गरेकी हुन् । सानो पाइलाले आफ्नो सामाजिक उत्तरदायित्व अन्र्तगतको भूमिका निर्वाह गर्दै वीरगंजका दुई संस्थालाई सहयोग प्रदान गरेको जनाएको छ ।

शनिवार आफ्नै कार्यलयमा एक कार्यक्रमको आयोजना गरी भएको कार्यक्रममा वीरगंज महानगरपालिकाका आर्थिक प्रशासन तथा सहकारी महाशाखाका प्रमुख रामदयाल यादवले पालिका भित्र रहेका सहकारी संस्थाहरुमा सानो पाईला बचत तथा ऋण सहकारी संस्थाको प्रगति विवरण उत्कृष्ट रहेको बताए । संस्थाले आफ्नो सदस्यहरुलाई बिबिध व्यापार, व्यवसाय संचालन गर्न धन जमानत अथवा धितोको आधारमा उचित तथा सम्भावित परियोजना संचालनार्थ सरल व्याजदरमा कर्जा उपलब्ध गराउँदै आएको जनाएको छ । संस्थाले सदस्यहरुलाई व्यवसाय कर्जा र कृषि कर्जाको व्यवस्था गरेको संस्थाकी प्रमुख कार्यकारी अधिकृत तस्बिरनले बताइन् छ ।

सहिकारीहरु प्रति यताआएर बढ्दै गएको अविश्वासलाई चिर्दै विश्वास कायम राख्न सानो पाईला सकृय रहेको छ । एक महिला प्रमुख बाट संचालित यो संस्था महिलाहरु पनि विभिन्न सेक्टरमा नेतृत्व गर्न सक्छन् भन्ने सन्देश दिंदै पनि आइरहेको छ ।

सानो पाइला सहकारीको सो कार्यक्रममा कृषि, व्यापार तथा उत्पादन क्षेत्रमा लागानी लगाउन सके अझ राम्रो हुने बक्ताहरुले जोड दिएका थिए । सानो पाईला बचत तथा ऋण सहकारी संस्थाकी प्रमुख कार्यकारी अधिकृत तस्वीरन खातुको सभापतित्वमा नै कार्यक्रम भएको थियो ।