समाज

गृहपृष्ठ
समाज
ट्रकमा लुकाईछिपाई लागुऔषध गाँजा तस्करी गर्ने सात जना पर्साबाट पक्राउ

ट्रकमा लुकाईछिपाई लागुऔषध गाँजा तस्करी गर्ने सात जना पर्साबाट पक्राउ

ट्रकमा लुकाईछिपाई लागुऔषध गाँजा तस्करी गर्ने सात जनालाई पर्सा प्रहरीले पक्राउ गरेको छ ।

लागु औषध नियन्त्रण ब्युरोले १०५ किलो लागुऔषध गाँजासहित विभिन्न ठाऊँका सात जना व्यक्तिलाई प्रहरीले पक्राउ गरेको हो ।

विशेष सूचनाका आधारमा लागु औषध नियन्त्रण ब्युरोबाट खटिएको प्रहरी टोलीले वीरगंज महानगरपालिका वडा नम्बर २६ लालपर्सामा रोकी राखेको ना ४ ख ६५२५ नम्बरको ट्रक चेकजाँच गर्दा उक्त परिमाणको गाँजा सहित ७ जनालाई पक्राउ गरिएको पर्साका प्रहरी नायब उपरिक्षक कृष्ण कुमार महतले जनकारी गराएका छन् ।

पक्राउ पर्नेमा मकवानपुर हेटौंडा निवासी विजय तामाङ, लक्ष्मण सिटौला, प्रभात तामाङ, रामलाल गोले, धादिङ बस्ने निरज लामा, चितवन बस्ने सानुलाल तामाङ र पर्साका सखुवा प्रसौनी निवासी सहिद मियाँ पक्राउ परेका छन् ।

विभिन्न किसिमका प्लास्टिकका बोरा मार्फत बेरेर त्रिपालले छोपेर राखिएको गाँजाका चिप्पड बरामद भएको प्रनाउ महतले बताए । पर्सा प्रहरीले ट्रक सहित सातैजनालाई जिल्ला प्रहरीको हिरासतमा राखिएको जनाएको छ ।

मधेशमा उत्साहजनक बयलगाडा प्रतियोगिता, दर्जनौँ कृषकको सहभागिता

कोरोना महामारीमा स्वस्थ्य मुट्ट, खानपानमा सजग भए मुट्ट जोगाउन सकिन्छ : डा. राधा भट्टराई

व्यवस्थित वीरगंज अव्यवस्थित काम ! मुख्य सडक मै बार लगाएर सास्ती, व्यापारी आन्दोलनको तयारीमा