समाज

Home
News
पर्सामा ११ वर्षिय बालिकामाथि बलत्कारको प्रयास, आरोपि पक्राउ

पर्सामा ११ वर्षिय बालिकामाथि बलत्कारको प्रयास, आरोपि पक्राउ

माघ ११, २०७७ मध्य नेपाल संवाददाता

पर्सामा एक बालिकामाथि बलत्कारको प्रयास भएको छ । बालिकाकी बुवाको साथीले नै बलत्कारको प्रयास गरेको आरोपमा एक भारतिय पक्राउ परेका हुन् । पक्राउ पर्नेमा भारत विहार जिल्ला पश्चिमी चम्पारण थाना चनपटिया ग्राम पंचायत टिकुलीया वडा नं.१३ बस्ने ३४ वर्षिय नेहाल
मियाँ रहेका छन् ।

पर्साका प्रहरी नायब उपरिक्षक मनोजित कुवँरका अनुसार भारत विहारको पलनवा थाना पर्ने लौकरिया ग्राम पंचायत वडा नम्बर ५ का हाल वीरगंज बस्दै आएका बालिकाकी बुवा र बलत्कार गर्ने मियाँ दुबै साथी रहेको र वीरगंज मै बस्नका लागी डेरा खोज्दै जादाँ नपाएर शुक्रबार उनकै डेरामा रात बसेको अवस्थामा राती बालिका चिच्याएको अवस्थामा हो हल्ला भई मियाँ फारार भएका थिए ।

व्यापक खोज तलास गर्दैजादाँ शनिबार उनलाई पक्राउ गर्न सफल भएको प्रनाउ कुवँरको भनाई छ । कुवरका अनुसार अनुसन्धान गर्दै जादाँ आरोपी र पिडित बालिकाको बुवा दुबै दिनमा विभिन्न टोलमासंगै डेरा खोजेको र रात पर्दै जाँदा रक्सी खाएर आफ्नै डेरामा बस्न लिएर आएका थिए ।

पछिल्लो समय बलत्कारको प्रकृतिहरु परिवर्तन हुदैँ गएकोमा आफ्नै आफन्त पर्ने र अभिभावकहरुको भुलबसले यस्ता दुर्घटनाहरु भईरहेको प्रवक्ता कुवँरको भनाई छ । आरोपी नेहाल मियाँ माथि प्रहरीले अदालतबाट ५ दिनको म्याद थप गरि बालिका रहेकाले जबरजस्ती करणी गरेको आरोपमा मुद्दा दायर गरी थप अनुसन्धान भईरहेको पर्सा प्रहरीले जनाएको छ ।