पत्रकारिताको क्षेत्रमा देखिएका व्यावसायिक चुनौतीहरुलाई समाधान नगरी पत्रकारहरुको पेशागत हित सुरक्षित नहुनेमा सरोकारका पक्षले मतैक्यता प्रकट गरेका छन् ।
मध्य नेपाल मिडियाको प्रकाशन मध्य नेपाल सन्देश साप्ताहिकको दशौं वार्षिक उत्सवको अवसरमा बिहीबार वीरगञ्जमा आयोजित समारोहका सहभागी वक्ताहरुले प्रविधको बढ्दो प्रयोगसँगै पत्रकारितामा चुनौती थपिएको बताएका हुन् ।
नेपाल पत्रकार महासंघकी अध्यक्ष निर्मला शर्माले सूचनाको विश्वसनीयतामा प्रश्न उठिरहेको भन्दै सही सूचना कसरी प्रवाह गर्ने भन्नेमा पत्रकार सचेत हुनुपर्ने बताइन् । पत्रकार स्वयम् सही सूचना के हो भन्नेमा अल्मलिएको अवस्था छ । यस्तोमा पत्रकारिता क्षेत्रकै विश्वसनीयतामाथि प्रश्न उठ्नु अस्वाभाविक होइन । पत्रकारिताका लक्षित समुदायलाई कसरी विश्वस्त बनाउने भन्नेमा कसरत गर्नुपर्ने भएको छ, अध्यक्ष शर्माले भनिन् ।
नेपाल पत्रकार महासंघकी अध्यक्ष निर्मला शर्मामहासघका सचिव अशोक तिवारीले पत्रकार महासंघ प्रेस स्वतन्त्राविरोधरी सरकारी कदमविरुद्धको आन्दोलनमा रहेको बताए । उनले मध्य नेपाल सन्देश पत्रिकाले उदाहरणीय काम गरेको भन्दै प्रशंशा गरे ।
महासंघका सचिव अशोक तिवारीमहासंघ केन्द्रीय लेखा समिति संयोजक केसी लामिछानेले पत्रकारिताको क्षेत्रमा मध्य नेपालले अनुकरणीय उहारण पेश गरेको बताए । उनले पत्रिकाको प्रगतिको कामनासमेत गरे ।
महासंघ केन्द्रीय लेखा समिति संयोजक केसी लामिछानेमहासंघ मधेश प्रदेशका अध्यक्ष श्याम बन्जाराले मधेशमा पत्रकारिताको स्तरोन्नतिमा महासंघले संस्थागत प्रयास गरेको उल्लेख गरे ।
महासंघ मधेश प्रदेशका अध्यक्ष श्याम बन्जारामहासंघ पर्सा शाखाका अध्यक्ष ओमप्रकाश खनालले व्यापारिक शहर वीरगञ्जबाट प्रकाशित मध्य नेपालले मधेश प्रदेशमैै उदाहरणीय काम गरेको बताए । उनले व्यावसायिक पत्रकारितामा मध्य नेपालको कार्य अन्य सञ्चार गृहका लागि अनुसरणयोग्य भएको उल्लेख गरे ।
महासंघ पर्सा शाखाका अध्यक्ष ओमप्रकाश खनालकार्यक्रममा राष्टिय मुक्ति पार्टीका सहमहासचिव नेजामुदिन समानी, पर्साका प्रमुख जिल्ला अधिकारी तोयानारायण सुवेदी, वीरगञ्ज उद्योग वाणिज्य संघका अध्यक्ष हरि गौतम, नेपाल बार एसोशिएसनका अध्यक्ष रामनारायण कुर्मी, प्रेस चौतारी नेपालका मधेश प्रदेश अध्यक्ष लालबाबु शेषलगायतले शुभकमना मन्तव्य व्यक्त गरेका थिए ।
प्रेस चौतारी नेपालका मधेश प्रदेश अध्यक्ष लालबाबु शेषपत्रिकाकी सम्पादक कविता खड्काले दश वर्षको यात्रामा रचनात्मक सहयात्रा गर्ने सबै पक्षलाई धन्यवाद दिइन् । अनेक चुनौतीहरुलाई चिर्दै अहिलेसम्मको यात्रा तय भएको उनले उल्लेख गरिन्
